收到羅浮宮既相啦

尋日羅浮宮送左d 相黎啦, 唔知係咪本相簿大本, 睇返d相覺得有d都唔係話影得好靚, 都唔明點解有d相自己會揀既, 同埋而家睇返個妝好似有d濃. 不過都無辦法啦, 都揀左咯. 

同埋之後check 返隻碟同本相簿d相, 竟然發覺有張effect相無放到落相簿度, 打返俾羅浮宮, 佢話要幫我哋再造過本相簿喎, 大約要一個月, 唉. . .又會咁既~~

情人節

今日係情人節, 我哋已經一齊過左十個情人節啦, 男友又唔係一個浪漫既人, 所以就算今年係最後一個單身既情人節, 都預左唔會有咩特別, 事前傾好叫男友千祈唔好買花買禮物俾我, 但我自己就送左一頂agnes b既帽俾佢, 佢都好鐘意~~
今日我哋一齊去左行婚紗展, 都好多人吓, 新婚會有玫瑰花送呢, 幾好, 我哋主要都係去睇吓婚禮攝錄, 其實真係無從入手, 我哋其實都唔識分邊d 為之影得靚, 邊d為之有style, 都係行吓睇吓d 價錢, 睇左有一間叫"Girls Production", 價錢真係幾吸引, 仲包左好多野, 真係差d想落訂咁滯架啦, 但諗諗吓都係唔想咁衝動, 應該上吓網睇下有無人用過呢間有咩comment 先決定, 個sales 都好不情願咁放我哋走, 點知我哋返屋企search吓d 資料, 呢間" Girls Production" 原名叫" Lovely Production" 都真係好多 bad comment吓架, d人又話佢哋無交帶o個d, 唔怪之佢哋要改名啦, 即刻好慶幸我哋無一時衝動咋~~
另外, 我今日又有去睇吓羅浮宮有無d新衫, 有d新衫真係幾靚架, 但係LC 品牌囉, 無LC品牌o個d 真係爭好遠, 無咁閃架, 我而家諗緊遲d揀衫可能真係要upgrade LC 品牌先揀到呢~~
我哋今日由二點幾行到八點人哋收工呀, 真係好得人驚, 攰到死左, 行完之後就去左食泰國野, 食完野之後我哋去左銅鑼灣I.T. outlet, 好抵喎, 四百幾蚊買左四件衫一條牛仔裙, 真係超抵呢~~