龍鳳被

 

今日趁一田大特價諗住想買紅喼同龍鳳被, 去到真係好多人囉, 見到好多人買喼呀, 見到有人拖住個Hello Kitty 紅喼好似幾好咁, 但去到買晒lu, 最後都睇唔啱買唔到呀~~
之後就轉戰睇龍鳳被, 去左卡撤天嬌同雅芳婷睇左, 卡撤天嬌平d, 諗住可能都唔係成日用, 平平哋買一套算, 最後買左卡撤天嬌, 但係無貨,要等三星期先有得拎呢~~
就係呢套啦~~

法國婚紗揀相篇

 

尋日去左法國揀婚紗相, 為免我同我男友好似上次羅浮宮唔狠心cut 相, 所以叫多兩個fd 幫手揀, 約左六點半我哋準時去到.
sales gigi 幫我哋睇相, 我諗total 有二百零張到啦, 遊艇o個d 真係影到瞇眼好囉, 所以揀左好少遊艇上既相, 其實真係好失望, 不過戶外北潭涌呀, 沙灘o個啲都ok, 但因為太曬d對眼都會好懞囉.
開頭第一輪cut 剩109張, gigi 就想幫我哋計數, 我哋話: 我哋未揀晒架, 再cut , 揀剩50張, gigi 就sell 我哋水晶相簿呀, uv coating 呀, 加大張油畫呀, 我哋全部都話唔洗, 咁gigi 都無話黑面既, 又唔會話迫我哋既, 最後我哋剩係加左15張相 = $1,950 之後gigi offer我哋+300 將d相入晒落細相簿, 即係而家我哋有一本珍珠封面相簿10 x 14" 入20張, 其餘30張入晒落6x6"相簿, 即係用左今日$1,950 + $300 = $2,250 - $1,000 coupon 埋單$1,250-
但俾我男友咋我型囉, 話我咁狠心cut 晒d 相, 話驚我第時會後悔喎. 唔緊要囉, 遲的可以再影過架嘛, 哈哈~~
要8月先有相睇啦~~

法國婚紗影相篇

 

尋日去左法國婚紗影相啦, 8:30去到夜晚9:30先走得呀, 玩足13個鐘呀, 真係好攰呀!!!
我個化妝師係亞May - 佢唔笑個樣都幾cool 吓架, 不過其實佢個人都好nice, 幾好傾架, 佢仲話我個樣好清純, 好玉女feel 添, haha ~~
攝影師係Frankie, 之前試衫時, 就同個sales 講想Dicky 或者 Frankie 幫我影, 但就無加錢book既, 所以都好開心佢哋派到Frankie俾我, 佢都幾型架, 個人都好nice~~
助手係亞楊, 佢都幾好, 幾細心, 好幫得手, 另外一個女助手跟出海幫手化妝既係亞銀, 佢都好好架, 成team 人都好nice, 非常好呀~~
我哋十點九到化晒妝, 執晒野出發, 半個鐘頭到就到我哋既第一站 - 北潭涌.
之後再搭車去碼頭, 再搭快艇去鹽田, 去到好失望囉, 廢屋比人封左, 我哋又唔諗住上教堂, 因為諗住唔想為左可能揀一, 兩張相要俾$200影, 所以就咁o係燈塔到影左幾張咋, 其實真係好失望, 好似好多景都無得影咁~~
之後就座返快艇上遊艇影, 尋日真係好曬囉, 又好大風, 完全係掹大唔到對眼囉, 真係好驚影得唔靚, 擔心揀唔到相呀~~
影完遊艇之後就去左沙灘, 影下條橋, 韆鞦, 都係o個句, 真係好曬囉, 影完就返影樓啦.
返到影樓差唔多四點半, 我男友可以開餐, 但我要換埋衫同換造形先有得食呀~~
我有四套衫係影樓, 不斷影, 不斷換造型, 影到9:30收工, 真係好攰呢~~
我約左下個星期二12號就揀相啦, 真係好驚揀唔到出海啲相呀, 真係feel到自己張張都瞇眼囉, 加上我自己上鏡塊面又好肥喎, 真係好驚唔靚呀~~ 同埋Frankie每一個景其實都係影幾張架咋, 可能佢對自己好有信心, 但我驚萬一我自己唔生性, 有d相合埋左眼咪無咩相揀, 總之好緊張啦~~

婚紗鞋

 

今日同男友去左好多 JM 推介既"有利鞋店"買婚紗鞋for 影婚紗相用, 蔡生真係好好人, 好nice 呀, 最後買左呢對, $75咋, 超抵呀我諗我遲D都會再去佢度買褂鞋~~

 

實物都好閃架, 平平哋粗著都幾好吖~~
另外男友今日都買左對皮鞋