第三次私家產檢

25WK
體重: 57.4KG = 126.28LB

今日約左4:10檢查, 我地4:00到, 等到4:50先有得睇, 霍醫生問去威爾斯照結構報告有無問題, 我答BB無問題, 但就照到我胎盤有D低, 之後醫生就照下, 佢話我係屬於胎盤前置二期, 胎盤貼住宮頸, 要小心有出血問題, 一發現流血就要去醫院, 醫生話估唔到佢幾時會出血, 老公問休息多D, 唔好行咁多有無用, 醫生話其實都唔關事, 都無咩可做到, 都係要觀察住. 至於初期見到既水囊就見唔了, 唔知係咪真係無左, 到開刀時如果醫生見到就會清走佢.

根住就照BB, 醫生度BB頭仔, 肚圍, 度腳仔, 聽心跳, 一切正常, 醫生話BB腳仔都幾長, 而家大既有磅半, 屬於中碼偏大小小.

睇完之後就輪到老公覆診睇對眼, 我就自己行花園街, 買左D衫仔, 褲仔俾吳BB同細佬.