租衫

尋日先講緊未租衫, 今日就租左啦~~
今日同吳生去左行婚紗展, 周圍睇吓租衫既counter, 有平有貴, 但就咁睇都唔識分邊d靚邊d唔靚, 最後 join 左羅浮宮租衫 $5288 有五件衫個plan, 因為有酒樓coupon 關係減$800, 即係$4488有5件衫, 睇過d 相簿, 有d 都ok 啦, 我諗咁大間鋪唔會揀唔到衫呱,  要到婚禮前三個月先去試衫, 即係仲有9個月呢~~ 好漫長呀!!!
其實我覺得自己都好求其, 都無睇多幾間就決定join, 我都有d驚自己會後悔呢~~

仲有一年

一年後既今日我哋就結婚啦~~
但係我哋其實好多野都未攪, 暫時只係book左酒席, 買左餅咭同埋影左一輯婚紗相咋, 化妝未搵, 衫又未租, 婚禮攝影又未搵, 租車呀, 鮮花o個d 更加未攪啦, 不過仲有一年, 我諗仲有時間呱, 不過身邊d 朋友都係出年年尾結既, 好多都攪掂晒啦, 咁我都要快d手至得, 同埋出年經濟唔好, 唔知d 野有無得平d呢???