放產假了

返埋今日, 就放產假了, 已經差不多38週了, 行路都開始辛苦了, 終於可以抖吓了, 希望寶寶乖乖哋到預期開刀既日子先出世呀, 千祈唔好早呀~~

第六次私家產前檢查 - 仁安霍詠儀醫生 及join kinetics 兒童疫苗計劃

37wk 體重: 56.6kg = 124.52lb, 肚圍39吋, 寶寶: 約5.5lb

寶寶足月了!

今日約左3:10pm返霍醫生度產檢, 見仲有少少時間去左佐敦kinetics join 個兒童疫苗計劃, 因為我哋有張coupon 要2月29日前join, 如果唔係3月1日開始就加價了, 個plan加成千蚊, 而家我哋join 左個$3,600既plan, 要返健康院打五針, 另外再o係kintics 補打多五針+2劑口服疫苗~~

之後3點到上到翹康, 見到都唔算好多人, 姑娘又話仲有兩, 三個就到我, 等我仲以為今次好快可睇完, 點知都等到成四點一, 二個字先叫我, 最期待係照超聲波見寶寶啦, 心跳一百五十幾下, 正常, 上次差不多三星期前寶寶重4.13lb 中碼size, 點知今日醫生照, 話寶寶大概得5.5lb, 2.4x kg, 變左細碼b, 同埋個肚圍細左d, 好唔開心囉, 同埋通常聽人講照超聲波既數字會比真係出世時少添架, 我真係好擔心呀, 一直都話係中碼b架嘛, 臨出世先變細碼b, 我仲要呢三個星期聽醫生講飲多d奶同食多d肉, 點知寶寶唔吸收, 重得咁少, 好驚佢出世連6磅都無呀, 太細粒啦, 仲要開刀, 唉, 寶寶要加油呀, 呢兩個星期媽媽食多d野, 希望你吸收多d啦~~加油呀~

俾埋錢大概4:45-50到, 我哋食埋下午茶就去左大埔一田, 今日開始bb展, 不過之前好多野都買齊啦, 都唔係買左好多野買左

1) chu chu 洗奶瓶液x3支裝 $158.-
2) chicco 柔順劑 $68
3) medela 羊脂膏 $78 x 0.85 = $66.3
4) 海綿洗奶瓶刷 $32x 0.85 = 27.2

用左$20 coupon = $299.5

寶寶, 希望你出世最少有六磅啦, 媽媽會為您食多d野啦, 我會飲多d奶, 食多d蛋, 食多d肉架啦~~

懷有二寶 - 第一次健康院檢查

 

約左今日8:30去健康院檢查, 我準時去到, 已經有人排緊隊了, 我攞左第十二籌, 流程同上次都差唔多啦.

先度高磅重, 然後驗尿, 量血壓, 跟住等姑娘叫名問下d病歷, 跟住再等見醫生, 醫生就摸下胸, 檢查下, 然後聽bb心跳, 一切正常就等抽血.

好在我今日算早到, 十一點就攪掂晒走得啦, 非常好. 其實一路都覺得去健康院檢查真係好無聊, 但無辦法啦, 一定要政府私家兩邊睇.

13wk
體重: 53.4kg = 117.48lb

照 OSCAR @ PWH

 

今日係情人節, 我最期待既節目.. . . . 係去威爾斯照oscar 呀, 隔左成個月先探二寶呀, 我好掛住佢呀~~

我哋今日booking 9:30, 我哋準時到達, 去到先度高磅重量血壓, 一切正常就等照超聲波, 期間姑娘叫我哋唔好座, 行下企下喎, 唔係驚照唔到喎~~

等左個幾鐘先叫我名照呀, 我問姑娘老公入唔入得, 佢話老公o係出面等先, 照到咁上下先叫老公入黎望下喎~~ 係由一個唔知女醫生定姑娘幫我照, 佢話bb 而家趴低左喎, 咁我問佢咁即係照唔照到, 佢又話照到, 咁佢就自己o係度照, 都無咩點講野, 都會講下呢個係頭, 呢個係手咁樣, 都差唔多照完佢先叫我老公入黎望下, 我老公就問個醫生定姑娘, 見唔見到係仔定女, 佢就再照下, 話似仔, 即時我同老公都"吓"左出黎, 個醫生定姑娘問我哋上胎係仔定女, 我哋話係仔. . . 我老公話都見到佢下面有條野喎. . .

姑娘話兩星期內無人打電話黎即係無問題.

之後佢哋就叫我老公出返去等, 然後姑娘就幫我約埋照結構個期, 同埋我上胎係開刀, 姑娘叫我諗下今胎想開刀定自己生. 同埋叫我下次見醫生帶埋上一胎既report 返黎. 我哋十一點到照完, 之後落去等抽血, 足足要等三百幾個籌呀, 勁得人驚呀, 最後我哋都成1:30先走得呀, 勁誇張囉 ~~~


12wk
bb size: 6.x cm
體重: 52.9KG = 116.38lb

開始洗衫仔

 

35週了, 見放假, 有少少陽光, 開始洗老公家姐俾我哋d 衫仔同新買的牀單, 剩係舊衫仔都洗左兩機了, 仲要有d粉紅色既都無洗啦, 底衫仔都好多, 唔洗點買衫了, 係買少少面衫應該都ok 了, 希望黎既既weekend d 天氣好d, 唔好咁潮濕, 洗埋其餘d新衫仔同牀單被鋪啦~~

 

第五次私家產前檢查 - 仁安霍詠儀醫生

 

34wk - 55.7kg = 122.54lb

今日約左11:20am 做檢查, 上到去, 嘩, 座滿人, 勁多大陸人同埋d 中介公司囉~~ 姑娘話醫生遲左返, 仲要我前面有六個, 等左個幾鐘, 12:35分到先入得, 照bb, 今日bb有4.13lb la, 醫生話到生應該六磅多d, 我想寶寶重d呀, 我要食多d野至得~~ 醫生話一切正常囉~~

12:45pm 出返黎等俾錢, 都要等到成1:35pm 先到我俾錢, 真係離晒譜, 所以下次都係約下晝, 唔洗趕返工, 我今日返到公司都成2:10pm呀~~

買俾吳BB的衫仔

 

知道吳BB性別後第一件買的衫仔

 

Pampers 媽媽會

 

今日收到Pampers媽媽會寄黎既禮物呀, 最正係可以去荷花拎16片NB 尿片, 同埋可以JOIN 荷花會藉添, 不過只限4個月, 仲有買2包慳$40 coupon~~