第四次私家產前檢查 - 仁安霍詠儀醫生

 

第四次私家產前檢查

31wk  體重: 54.2kg = 119.24磅

今日同老公去做檢查, 約左11:00am, 上到去非常多人, 登記時姑娘話醫生仲未返, 我前面仲有三, 四個等緊, 預左有排等了, 12點到睇完, 之前腸胃炎, 唔係幾食到野, 一直驚寶寶會size好細, 不過醫生照完又話一切正常, 中size, 寶寶而家有3磅11安士啦, 心跳每分鐘一百六十幾下, 今次醫生出埋入院信, 唔知係咪因為咁, 等俾錢都等左成九個字.

同埋呢, 今日無啦啦開始腳腫啦, d人話三腫三消就生得架啦, 無諗過咁早就開始腫囉, 仲要朝早出門口睇醫生時都未開始腫, 唔係俾醫生睇下啦, 係返到屋企, 老公搭lift時發覺我對腳腫晒先為意到咋~~

多謝老公的 CHANEL 耳環

 

好耐無收過老公的禮物了, 太老夫老妻, 都係俾CASH 多, 佢有同事去歐洲, 就叫挓同事買左對 CHANEL 耳環俾我, 希望下次收到既係呢隻牌子既袋啦, HAHA~~

 

 

收到雀巢能恩奶粉同美贊臣奶粉及包被

之前12月23日收到雀巢打黎話一個星期內會送奶粉黎, 因為屋企無人收, 所以我哋今日自己去郵局攞, 900g正, 我去萬寧睇要$255/罐架~~

根住夜晚去左奶奶度食飯, 忽然美贊臣打黎話會送奶粉黎, 話2, 3個字後到喎, 但佢完全係事前無通知過話今日會送奶粉囉, 我咪叫佢放低o係管理處, 叫看更幫我收囉, 有2罐400g + 一張包被呀~~ 好開心, 唔知仲有無其他奶粉商有得送呢?

不過我都未決定俾 bb 飲邊隻奶粉~~