到kinetics 打六合一預防針

 

尋日約左三點到佐敦kinetics 同吳BB打六合一預防針, 都係一打落去o個下喊左幾聲, 出到門口就收聲了, 但係唔知點解今次打完針後, 佢竟然怕左沖涼, 吳BB一直都係一個好鐘意沖涼既BB, 出世咁耐係頭幾日有小小驚外, 佢沖涼都唔會喊既, 仲好鐘意沖, 本身喊緊, 一放佢落水, 佢就收聲, 好似好enjoy 咁, 仲要係咁踢水, 但佢呢兩日竟然驚左沖涼, 洗頭時佢已經開似扭, 放佢落水, 佢竟然喊, 仲喊得好淒涼吓, 咁我哋就快快手幫佢沖la, 點解會咁架呢, 係咪打針個傷口痛呀? 根住今晚佢啱啱大左, 我哋又試下幫佢沖啦, 慢慢氹下佢, 拍吓佢心口, 哼歌仔俾佢聽, 佢先好似無咁驚, 又無喊咋, 希望佢快d唔好怕沖涼啦~~

奶媽路 - 血淚史

 

亞仔已經六個月了, 想停餵人奶了, 我都估唔到自己可堅持餵到半年, 雖然一直都唔可以全人奶, 一日都係大概得兩, 三餐到, 但我相信有人奶可俾到D抗體佢, 就算少少都好, 所以我都堅持.

其實生之前, 我都無話好堅持一定要餵母乳, 只係諗住有奶就餵, 冇就食奶粉就算, 到啱啱生完時, 因為我係開刀生, 我都知唔會咁快上奶, 不過到我可落床時我都有俾佢啜, 不過我諗O個時我未上奶, 佢都啜唔到D乜, 咁每邊俾佢啜一陣之後, 就補奶粉了~~

到出院回家後, 就開始谷谷地奶了, 大概係生完第五, 六日到, 谷到非常之硬, 又非常之痛, 但係用泵就泵唔出, 得好少, 泵成半個鐘, 可能講緊係10-20ML 到, 之後帶亞仔去健康院檢查, D姑娘非常好, 又好有耐心教點餵BB姿勢最好, 又話我咁谷一定夠奶俾BB食, 即時令我對自己好有信心, 覺得我都可以餵到人奶的. 又幫我約母乳姑娘指導. 但佢話而家最緊要係整通佢先, 唔好俾佢塞, 唔係會有乳線炎的.

我姑奶生左兩個, 佢兩個都係餵母乳, 都好有經驗, 我就講左我既情況佢知, 佢就教我點按鬆佢, 按返通佢, 一定要非常大力, 真係痛到我暈, 之後直頭係我老公幫我按, 我O個時個胸係瘀晒的, 非常恐怖.

姑娘呀, 朋友呀都話要俾BB啜多D先會多D奶, 可惜我個仔可能真係食慣奶樽啦, 佢唔鐘意埋身餵, 啜兩啖就瞓, 當左我係人肉奶咀, 咁我就索性泵出來, 又可以睇到有幾多, 知道佢食幾多.

姑奶又教我要煲通草等佢通, 又煲上奶湯啦, 木瓜湯, 章魚黑豆湯啦, 但對我好似都無咩用,.

姑娘話一日要泵8次, 每隔3個鐘一次, 半夜都要起身泵, 頭o個一個月都係好少量, 每次都係泵到2-30ml 到, 泵幾次先夠亞仔食一餐, 同埋我發覺泵係泵唔清的, 無論電泵定手泵, 之後我索性用手擠, 反而擠得清, 但係. . .係擠到對手痛架囉, 後期就先用泵泵左頭o個浸, 再用手擠清, 真係好辛苦.

有諗過餵到返工就唔餵了, 仲要啱啱差不多返工時, 忽然試過左邊擠出血, 真係嚇死, 就諗, 唔通個天都想我唔好再餵, o個時就想放棄返工唔餵了, 之後又上網搵吓睇吓咩事啦, 開頭又驚係乳線炎之類, 但我又無發燒, 有乳線炎係會發咁啱o個幾日帶亞仔去打針, 就問健康院姑娘, 姑娘話係爆左微絲血管, 可能因為大力得滯, 咁我問姑娘仲可唔可以餵, 佢話無問題可以繼續,

到返工勒, 每日就拎住d冰袋, 奶杯, 一大袋返工, 每日lunch o係公司擠一次, 放工又無得出街, 要運d奶返屋企, 非常困身.

心諗一係餵到四個月啦, 到四個月時, 一日只係整到大概480ml 到, 都係夠2-3餐, 但我見佢又未收, 我都想繼續. 然後就諗, 一係餵到六個月啦.

到而家六個月了, 就開始由每日泵三次, 減為每日泵兩次, 返工前泵一次, 放工泵一次, 可能隔得耐先泵一次, 每次都有180-200ml, 夠亞仔食一餐, 我見仲可一日餵到兩餐佢食, 我又開始唔捨得停, 又諗, 不如餵到佢自己收奶先停啦. . . .  唔知最後我幾時先會放棄呢

媽媽會: 送雀巢能恩2號奶粉及pampers超簿乾爽

 

早前登記左雀巢金裝能恩免費體驗, 今日郵差送左罐2號800G上來啦, good~~

另外之前o係網上登記拎pampers 超簿乾爽L碼, 早幾日都收到了, 有3片, 但無COUPON 送既~~

媽媽會: 美贊臣A+送2號奶粉

 

尋日美贊臣打黎話送奶粉黎, 今日收到一罐400G A+安嬰寶2號

 

第六個月到健康院打針

 

吳BB 六個月大了, 又要到健康院打針了, 體重: 6.81KG = 15磅 , 仲係KEEP 住第10條線生長線, 細碼B~~ 今日吳BB淨係打一支13架針, 月尾再去私家打五合一, 吳BB都係打O個時喊左幾聲, 出到門口就收聲了. 

另外今日姑娘都有考吳BB識唔識拎住玩具, 有聲識唔識望邊度有聲, 又睇吓抱住佢時識唔識企同座, 樣樣都OK PASS~~

姑娘話可以俾固體食物吳BB食架LA, 佢話咩都食得喎,  唔好啃到佢就得, 我哋而家已經每日1餐俾佢食米糊, 另外4餐飲6安奶, 遲D再俾其他野佢試吓~~

Shopping @ 東涌東薈城 outlet

 

黎緊有好多朋友生BB, 今日放低吳BB 俾奶奶湊, 我同老公拍拖去東涌東薈城outlet, 睇吓有咩送俾朋友, POLO RALPH LAUREN 做緊買3件8折, 買5件7折, 仲O係門口派張EXTRA 10% DISCOUNT CARD添. 老公最大收獲, 買左三件長袖衛衣, 有件折左200蚊都唔洗呀, 好抵~~

買左條裙仔俾朋友的BB女,

女仔D衫仔真係靚好多呀, 仲包埋條底褲仔架, 好得意架, 折左都係$142~~

另外買左一件衫俾朋友的仔仔, 一件俾吳BB

 

折左都係$174, 我自己都買左對手套添~~

不過因為我哋成6:30PM先入到去, 淨係O係POLO 都逗留左個幾鐘, D鋪頭9點就關門了, 好多鋪頭都行唔到呀, 希望遲D再抽時間入黎行吓啦~~

吳BB有禮

 

吳BB 就黎半歲啦, 朋友好有心送左套POLO SET 比吳BB 呀, 多謝晒, 6個月SIZE都好細件吓, 要著多D, 唔係好快會唔啱著啦~~

 

媽媽會: 雅培2號奶粉

 

今日雅培送左罐2號 400G 黎我屋企呀~~

 

媽媽會: 牛欄牌 & HUGGIES

 

申請左好耐既牛欄牌, 終於收到佢哋既入會禮物 -- 口水肩一條

另外收到HUGGIES 的 L碼尿牌同M碼學習褲SAMPLE, 仲有D COUPON 添,
藥房買S/M/L $20 X 2
藥房買學習褲 L/XL $20 X 2
藥房買M-XL 或學習褲 + 買濕紙巾176片  $25

好似HUGGIES 寄COUPON 方面大方過PAMPERS 喎~~