Shopping @ Gap, H&M, Uniqlo & Yata

 

各大公司又開始減價了, 我又掃左一堆衫俾吳bb 啦~~

GAP
26-28 NOV 做緊貼左橙色牌再半價呀, 我去既時侯已經係最後一日了, 男仔款只係淨返幾件咋,

 

 

左 $69.5 中$62.5 右夾衣$34.5 Cap 帽 $27.5

H&M

每件$70

UNIQLO

樽領打底衫$59, 打底褲$39

YATA

一田大減價, 買左件背心仔$210 7折 = $147

吳BB舅公買左D衫仔同褲仔, 不過SIZE 有D大, 可能要出年先啱著了~~

台北自由行 2012 - 戰利品 (護膚品篇)

 

今次去台北本身想買下DR. WU 等台灣牌子, 但今次去台北兌換率唔好呀, HKD1 = HKD3.61, D錢即刻變得唔好洗啦~~

台北買DR.WU 保濕精華, NT800 兌返港紙$221, 香港買都差唔多啦, 上次萬寧做特價$158添呀, 所以無O係台灣買啦~~

但我出發之前就O係台灣YAHOO 訂左D護膚品, 揀返酒店附近既7-11攞, 又真係幾方便喎~~

D人話寶藝好用, 兩支大兩支細先NTD1,060 = $293, 我諗算平呱~~ 開左黎試用啦, 敷完O個下真係即刻白左架~~

牛爾產品~~

另外我買左好多台灣雜誌呀~~ 台灣雜誌係會送D貨裝護膚品, 面膜同化裝品, 眼霜15ML 裝, 保濕精華 30ML裝, 係講緊NT138 - 200, 約三十幾至五十幾蚊港紙

~~

呢堆全部係買雜誌送既贈品~~

O係康士美, 屈臣氏等買左好少咋~~

黎個大合照~~

 

台北自由行 2012 - DAY 4

台北自由行 2012 DAY 4 - 23 OCT 2012 (TUE)

台電大樓站 (鼎泰豐) --> 西門町 --> 機場

我哋今日夜晚7點幾機, 都仲有半日可以行既~~

我哋諗住去食鼎泰豐, 開頭諗住搭捷運, 但問酒店職員佢強烈建議我哋搭巴士去, 果然搭巴士方便好多, 又唔洗轉車, 我哋11點零鐘到, 唔駛等位就入得~~

食完出返去, 已經好多人等位了, 好在早左一步咋~~

之後搭返巴士返西門町行吓, 影下相

估唔到老公戰鬥力好強, 又有收穫了, 哈哈~~

差不多就搭返國光去機場了~~

BYE BYE LA 台北~~

回程七點幾, 又係無飛機餐, 得包咋~~

等左好耐先拎到行李, 好攰呀~~

台北自由行 2012 - DAY 3

 

台北自由行 - DAY 3 (22 OCT 2012) (MON)
西門町 --> 台北車站 --> 瑞芳站 --> 十分/平溪/菁桐 --> 九份 --> 師大夜市

今日既行程係最期待, 亦都係最緊湊既, 就係去十分放天燈, 出發之前O係香港早三日前諗住上網訂台鐵到平溪線既飛, 點知話FULL 左, 尋日O係台北站都排隊問過, 都話FULL, 車程成四十幾分鐘, 要企就好辛苦了, 但都無計啦, 就咁用悠遊咭上囉, 仲平D添, 有位就可以座, 不過如果有飛既人上車就要讓返個位俾人哋~~

我哋原來預座9:15 去瑞芳站既, 我哋成日驚會走左架車就早D起身, 點知去到台北站, 仲趕到搭早一班, 8:50開O個架添, 上到車都好多位喎, 都驚要讓返俾人座, 點知又唔洗喎~~

 

 

9:30就到瑞芳, 不過其實早到係無用既, 因為都要就平溪線去青桐, 要10:59先開, 要O係瑞芳HEA 個幾鐘先上得車, 瑞芳又完全無野行, 不過我哋未食早餐, 就搵下野食, 食牛肉面, 又幾好食喎,

食完就行頂好, 即係香港既惠康, 買下野飲, 就去車站大堂座下等車黎, 因為呢班車係接埋台北9:15開出既乘客都係座呢班車, 仲要平溪線既車只得三卡, 嘩, 迫人到嘔呀, 唔好話座, 想搵個位企都難呀~~ 今日星期一, 平日黎喎, 點解都咁多人, 不過其實大多數都係遊客~~ O係又迫又焗既情況下, 企左半個鐘, 到十分站, 好多人落車我先有位座咋, 我哋去左青桐先, 後先再去十分~~

開頭諗住O係青桐留一個鐘到, 落左車後, 我哋即刻行落路軌影相, 周圍影下,

之後發覺其實都無咩好影, 見到架車差不多夠鐘開了, 我哋就跳返上車去十分了~~

到左十分, 一行出站, 就見到好多人放天燈啦, o係跳軌上面放, 好開心呀,

咁我哋都揀左一間,

我哋揀左個4色天燈 NT150, 寫低我哋既願望, 希望願望成真啦~~

之後我哋本來諗住行十分瀑布架, 沿住指示牌行啦, 越行越唔對路, 行左十五分鐘, 見到個指示話仲要行多30分鐘, 嘩, 咁一來一回咪個幾鐘, 最後我哋決定唔行, 折返啦

然後又去返車站附近既吊橋影下相,

買下D天燈仔做手信, 又差唔多夠鐘搭車返瑞芳轉巴士入九份了~~

搭十五分鐘車就到九份了,

















都好多人好熱鬧, 一路又行下食下野影下相,

行完後我哋就搭返車返台北了, 有巴士直達忠孝復興站, 車程約90分鐘, 其實可O係中途落車行饒河街夜市架, 不過老公話想行師大夜市喎, 所以我哋就O係忠孝復興站先落車, 之後返酒店擺低D野抖下再出發到師大夜市~~

師大夜市其實唔係好多野食架咋, 主要賣年輕服飾多, 價錢都平, 老公都有收穫呀~~

行到差不多11點, 今日真係超攰呀~~

台北自由行 2012- DAY 2

 

台北自由行 2012 DAY 2 - 21 OCT 2012 (SUN)
西門町--> 市政府站 (101大樓/三越/誠品)  --> 台北車站  -->劍潭站  (美麗華摩天輪/士林夜市)

我哋呢個TRIP 其實都好HEA下, 唔會話要趕好多景點, 慢慢行~~

瞓到成10點幾先起身, 第一站去西門町食"鴨肉扁" 但其實係鵝黎, 叫左兩碗面同四份一隻食~~

 

之後搭捷運去市政府站, 行101, 捷運站有一架免費車送去101的, 不過要等幾個字先有車~

 

周圍影下相, 行吓, 然後又沿返市政府站行下三越, 同誠品, 買雜誌, 台灣D雜誌真係好抵, 係會送D貨裝護膚品, 面膜同化裝品, 眼霜15ML 裝, 保濕精華 30ML裝, 係講緊NT138 - 200, 約三十幾至五十幾蚊港紙, 所以我係買左好多本架~~

 

又行左台北車站地下街, 買左對鞋, 先NT190, 五十零蚊~~

行到五點零鐘, 就出發搭捷運到劍潭站, 有免費巴士車去美麗華摩天輪, 都要搭成15分鐘車程~~ 

 

 

我哋有座o係摩天輪度見到101 呀~~ 全程大概15-20分鐘到

到摩天輪, 睇下台北夜景~~

 

 

之後行左陣商場, 就搭返車去行士林夜市~~

一去到就見到士林夜市好出名既"豪大大雞扒" 好大塊先NT50, 十零蚊港紙, 抵食同好味~~

之後再掃下其他野食,

又行下D乾貨區, 行到十點幾, 好攰呀, 要返酒店休息, 聽日行程最緊密呀~~

台北自由行 2012 - DAY 1

 

生完BB後, 想relax 下, 掉低個仔同老公去個四日三夜台灣自由行, 我係七月時用飛行里數換機票的, 俾稅同燃油附加費 $713 x 2

酒店我book 左西門新驛旅店 雅緻客房 3晚 = NTD6,840 約 HKD1,900
台北自由行 2012 - DAY 1 (20 OCT 2012)
HK --> HOTEL (新驛酒店-西門) -->西門町

可能因為請一日22 OCT 就可以連放四日假, 我七月頭上網Book 機票都好FULL 了, 要搭下午2:25機, 好處係唔洗咁早起身, 壞處係無左半日囉~~

而家搭國泰去台灣, 原來係無飛機餐架, 只係得個麵包咋, 等我仲無食野添~~

 

 

半空中, 好靚呀~~

到台灣啦~~

落到機, 就去買國光巴士買飛 (NT125) , 國光總站係去台北車站, 買飛時同售票員講話去西門町, 佢哋到左會安排搭另一架車去西門町, 好在唔洗點等就即刻開車, 好快就到~~

西門新驛酒店都真係幾方便, 好近捷運站, 咁當然唔好期望佢好靚啦, 的的色色咁啦~~

西門新驛酒店都真係幾方便, 好近捷運站, 咁當然唔好期望佢好靚啦, 的的色色咁啦~~

 

 呢間房個廁所都幾大, 仲有浴缸添, 不過間房係無窗~~

擺低行李, 去下厠所就去西門町搵食了~~


本身想去食"馬辣"既, 之前早幾日O係香港都諗住BOOK枱, 點之話FULL 晒, 得4:30或9:30, 咁就諗住WALK IN 睇下啦, 點知佢都係話要等到9點先有位, 當時講緊係七點, 咁算啦, 我哋就走左去食"阿宗麵線" 一人一碗大的 (NT60), 好味道呀, 食完再飲埋杯珍珠奶茶已經超飽了, 就繼續行下, 晏D先再食.

睇下條龍都幾長~~

之後去左行"美泰華生活百貨" 賣D立立雜雜野, 護膚品, 野食, 好似百貨公司咁, 但舊D架囉, 我同老公掃左幾對祙, 平嘛, HK10一對都唔洗, 同埋D零食返酒店食~~

行完大概10點幾, 老公問仲去唔去行夜市, 但我已經超攰啦, 都係返酒店抖下~~