K1面試大作戰及結果 - 15 NOV 2014

10:00AM - 基督教神召會X一堂幼稚園


呢間係我最想入既學校之一, 但係Gor Gor既表現就係最差, 嗚嗚....


未IN 得, 小朋友就係個PLAYGROUND 到玩下, 不過都幾多大6小朋友咁喎..... 仲好野蠻添, 有個仲出手打人... ...


到Gor Gor勒,
老師叫小朋友自己揀玩具玩啦, 我地座左係切生果既玩具, 根住老師就問Gor Gor
你叫咩名呀: 唔答
咁老師問, 咁邊個係 Gor Gor 呀, 佢答: 果個. . . ... (嘔血中)
根住有個船既砌圖, 問佢係咩黎, 佢答: 車車呀 .....???


根住叫佢砌生果啦, 識砌, 但老師拎起個檸檬問佢咩黎, 佢答: 蕃茄呀..... ???
咁老師就拎起個蕃茄問佢係咩黎, 佢答: 橙橙呀... ???
拎起個夢白問佢係咩黎, 佢答: 雪糕呀....???


呢個時侯我已嘔到一地都係血... 無晒心機


根住老師叫佢叠高, 做到
問佢紅色係咩色: 答: RED


之後老師又問我點解揀呢間學校就IN 完了,


唔算太心儀既學校Gor Gor就表現得好好, 想佢讀既佢就咁差, 完全係玩野. . ...


最後結果: 取錄上午班


總結: IN 左7間, 全部收晒, 原來Gor Gor 係咁叻仔的, PROUD OF U AR

K班面試大作戰及結果 - 8 NOV 2014

今日落雨, 又凍左, 好唔方便呀


10:00AM - 中華基督教會沙田堂X康幼稚園


老師問叫咩名: 肯答
幾多歲: 2歲半
你係男仔定女仔: 佢答: 女仔???
根住老師拎左D煮飯仔玩具出黎玩, 問佢係咩黎, 佢識答: 腸仔, 蛋, 包包
叫俾俾D玩具老師, 肯俾, 執返D玩具肯執
根住拎本書出黎問佢係咩黎, 佢答: 書書呀,
揭左個蝴蝶問佢咩黎, 佢答: BUTTERFLY
問佢鞋: 佢答: 鞋鞋呀
問佢花: 佢答: 轉轉轉呀.... ???
問佢紅色係咩色: 佢答: RED 呀.


之後就叫佢去一個位同小朋友一齊玩玩具, 老師叫佢俾D玩具另一個小朋友, 肯俾,


之後就同老師BYE BYE, 老師又送左小禮物, 肯同老師講多謝.


結果: 取錄上午班




11:00AM - 耀X中英文幼稚園
一個老師同時IN 兩個小朋友,
老師問佢咩名同幾歲: 肯答
邊個同你黎架: 媽媽
老師拎左藍玩具出黎, 叫佢叠高: 做到, 叫佢執返: 肯執
根住老師話, 嘩, 你咁叻, 我請你食野吖, 拎個包黎問佢係咩黎, 答: 包包呀, 拎條蕉問佢係咩黎, 佢答 BANANA. 問佢顏色: 藍色: 識答
老師請佢食糖有講多謝, 同IN 完有同老師BYE BYE.




結果: 取錄上午班


12:00PM - 邊X之娟幼稚園
老師叫幾個小朋友一齊入房, 一齊玩玩具, 老師係旁邊觀察. 又會叫小朋友可唔可以俾D玩具隔離小朋友呀, 肯俾, 之後玩完叫佢地執返玩具, 肯執.
然後就去另一間房, 老師獨立面試,


老師問佢咩名同幾歲: 肯答
指住我問係邊個: 媽媽
你頭先有無食野呀: 食左腸腸同包包 (之前INTERVIEW 時老師請佢食佢當自己食左, HAHA)
叫佢叠高, 做到, 要佢執玩具, 肯執, 叫佢擺個玩具籃去個櫃到, 肯擺, 叫佢拎返過黎, 做到


老師話佢係大B, 所以好多都做到. 又問我佢地無校車, 如果收返學會唔會唔方便, 不過又真係幾唔方便既, 如果有其他選擇都唔會諗.




結果: 取錄全日班

K1面試大作戰及結果 - 1 NOV 2014

Ng Gor Gor 一向生性怕醜, 我一直都好擔心佢會無書讀, 於是我幫佢報左十二間學校, 博下點都有一間收呱.


之後10月陸續收到面試信, 點知好多都撞晒期呀, 最後只可去到七間.


之前有帶佢去過D學校開放日, 佢玩得好開心, 仲話好鍾意返學, 所以佢都唔太抗拒面試.


1 NOV 2014


9:00AM - 救世軍X家炳幼稚園
需要2位家長陪同, 一位陪小朋友面試, 一個於課室與校長及老師交談


最後我地決定我陪Gor Gor 面試, PAPA 同老師傾偈.


一個老師同時同2個小朋友一齊面試, 老師先同Gor Gor 講早晨, Gor Gor掛住玩玩具, 唔啋老師, 老師問佢咩名又係唔出聲掛住玩, 不過最後都肯答.


然後老師拎左D杯同叉玩具出黎, 問Gor Gor個叉係咩黎, 佢答: "根根", 老師話唔係喎, 呢個係叉黎, 根住老師叫佢將個杯同叉擺好俾返老師, 佢都有做. 


根住老師拎左兩幅圖出黎, 叫Gor Gor 抽, 佢抽左個波, 老師問佢係咩黎, 佢答: 波波, 根住老師話: 你好叻叻喎, 老師送份禮物俾你LA, 一份係紅色, 一份係藍色, 老師話送藍色, 但Gor Gor 話, 我要RED 呀. 老師俾左份紅色既佢. 之後就同老師BYE BYE, Gor Gor 全程都保持笑容.
老師又有問我點解會揀呢間學校.


我地IN 完出去, PAPA 都未出黎呀.


PAPA 話佢地成幾十人圍埋一齊, 校長老師問問題時, D家長就舉手答問題.


我自己覺得Gor Gor 表現一般咋, 但最後都收到上午班取錄信, YOYO, 呢間我都心儀架.


11:00AM - X思幼稚園


只可由一位家長陪同面試, 今次由PAPA 陪Gor Gor,
老師問佢叫咩名: 肯答
你幾多歲: 2歲半
你頭先有無食野呀, 食左咩呀: 食左通粉
你答咩車黎既: 爸爸車車呀
根住老師叫佢玩切生果, 叠高高, 全部做到
成個過程10分鐘搞掂, 我見夠時間, 就趕埋去另一間IN


結果: 取錄上午班




11:30AM - 真理浸信會X典幼稚園


成個過程大概一個鐘
每個小朋友貼個名既LABEL, 首先到禮堂, 校長介紹學校,  之後就分組面試, 我地果組繼續留係禮堂, 有一個老師係度講故仔, 每一組會有一個老師負責觀察小朋友表現, 小朋友聽緊老師講故仔時, 負責既老師就有問我平時邊個湊小朋友, 小朋友戒左片等等問題.


之後帶小朋友去玩玩具, 當有小朋友扭計, 喊時, 我見老師會MARK 低, 小朋友自己去自己鐘意既地方玩, 老師又係係旁邊觀察小朋友既表現.  老師走左過黎叫Gor Gor 俾架車佢, Gor Gor肯俾, 又問呢架係咩黎架, Gor Gor答 RED 的士.


之後又去左個活動室, 俾小朋友爬下D障礙咁. 現到Gor Gor唔願走.


最後老師就派架車俾小朋友做禮物, Gor Gor有謝謝老師.


呢間學校面試無咩問小朋友問題, 連名都無問, 主要觀察小朋友表現.


最後結果: 取錄上午班