又一絲花花球

 

為左影法國輯婚紗相, 再多一個絲花花球影相, 今日約左irene 拎絲花

其實本身我係揀呢個花球既

 

 

但擔心粉紅色影出黎會唔會太淺呢, 我將我既睇法同irene 講, 佢好好, 話可以將牡丹轉做桃紅色, 咁影相出黎就會sharp D, 最後整出黎既效果係

 

 

我都好滿意呀

 

法國婚紗揀衫

今日去左法國揀衫影婚紗相, 本身約左11點, 不過我哋遲到, 差不多11點4先去到, 攪到d staff 打黎催我, 真係唔係幾好意思, 我哋由11點半開始試, 試到2點半先走得, 攪左成三個鐘, 我上網揀左二十件衫, 但佢唔係全部都拎晒俾我試, 有d 無期既就無得試lu.

因為之前影羅浮宮o個輯件件都係鋼紗款咁滯, 所以我今次主要係揀啲直身款同A-line, 真係件件試出黎我都好鐘意架, 個sales 都話我著得幾好睇, 所以揀衫時都好頭痛.
我今日都大出血. .  . . 因為我係join LMA plan, 包四件衫, 但係三件都要揀婚紗, 得一件晚裝, 我覺得得一件晚裝太少, 加多左一件, 其實可以揀將一件婚紗轉晚裝加$300, 但加多一件都係加$500, 所以我最後都揀左加多一件.
另外因為我男友揀左件白色西裝上船,  因為佢本身包o個件係米色, 我哋覺得好黃, 最後都係揀白色, sales 話出海靚d喎, 又加多$500.
然後又加多$180 整鮮花頭花, 就咁又洗左我$1,180 啦, 真係未見官先打八十大板啦, 哈哈~~
我今日total 都係試左20件到

上船啲款我都係試左五件到咋, 又係因為無期囉, 最後我揀左呢件

室內景揀左呢件, 

 

 

 

同埋呢件, 呢件就咁睇好似好普通, 但著左上去又幾好睇喎, 同埋我唔鐘意d婚紗太白, 好似無咩野睇咁, 有條金腰帶, 影出黎都有啲野睇嘛, 上件o個件又係有條粉紅色係中間, 影出黎唔會成件白色嘛

 

晚裝其實本身我鐘意呢件, 都見好多人著過都好靚,  但個sales 話無期, 所以無得試

 

最後揀左類似既, 亞嬌著過既呢件 

同埋呢件

 

 

 

 

 

 

 

 

 

 

 

 

 

 

 

總結今日試衫都好開心, 個sales serve 得好好, 好有耐性, 不時拎啲新款我試, 同埋啲衫真係好靚, 件件都好鐘意, 件件都想揀, 好期待5月8日影相日呀, 希望好天啦~~