第一次政府產前檢查 - 威爾斯

23weeks

第一次政府產檢成23week 差唔多24week 先第一次睇, 約左10:00am, 不過我都遲左少少到, 加上新症好多人排隊, 佢mark 我10:18先到, 之後去觀察室度高磅重, 159cm, 49.6kg (109.12磅), 心跳又有111下.

10:45am 姑娘叫名對返d資料同問病歷, 佢問我有無b型鏈球菌同陰道炎, 我話我無驗過b型鏈球菌, 問佢有無得驗, 佢話可能遲d去健康院驗,  根住我話有bb前都試過有陰道炎, 同埋而家d分泌有時都會青青黃黃, 根住姑娘話佢mark 低先, 睇吓陣間醫生會唔會幫我check.

之後等到11:20到, 就叫我入4號房見醫生, 姑娘一黎就叫我除晒底面褲瞓上床, 之後一個好後生既女醫生先聽寶寶心跳, 根住幫我抽d分泌去種菌喎, 過程都有d痛, 醫生話今日可能會留少少血, 佢話如果真係有菌會call 我返去拎藥.

著返褲後, 見返醫生, 我同醫生講話我幾次做檢查無論政府定私家都話我心跳100下以上, 根住醫生就叫我去做心電圖, 做完再返去搵佢, 照完後醫生話正常喎, 之後我就走得. 走時大概11:45, 根住就趕住12:30出到旺角新世紀拎johnson baby入會禮物, o係威爾斯門口有d亞姐叫入bb會, 我都填左, 拎左一條口水肩同祙仔~~

好在啱啱好12:30出到旺角拎埋份入會禮物, 食埋野就返公司了~~