懷有二寶 - 第三次健康院檢查

28WK 6 DAY
體重: 60.1KG = 132.2LB

今日約左兩點去健康院檢查, 我大概一點十到, 都要拎33號壽呀, 好多人已經座左o係大堂等緊了.

都係一般驗尿, 磅重量血壓就等見姑娘了, 見姑娘佢研究左好耐點解醫生要幫我改預產期到8月24日, 之後就上床姑娘按下個肚, 度肚同聽心跳, 心跳一分鐘15X下, 姑娘話正常喎, 不過姑娘寸我個肚D皮膚好差囉, 唉, 我而家成肚同大脾係紋, 都唔知點算, 之後拎埋到診紙就走得~~

最後大概三點三到走得, 我仲o係門口填BB會, 不過得兩個會, 惠氏同安滿, 拎左兩塊紗巾咋, 本身想拎尿片架嘛~~

之後我自己去左馬鞍山買水泡俾個仔, 老公約左朋友今個星期六帶個仔去游水.