本身尋日應該要去威爾斯檢查的, 因前日去見左營養師同姑娘, 佢又俾左個新期我, 就同我講尋日既booking 會自動取消, 叫我唔洗去, 點知威爾斯姑娘尋日打黎, 問我做咩唔黎檢查, 根住又話醫生想我入院食糖尿餐, 我問佢咁要住幾耐, 佢又話唔知, 唉, 打亂晒我d計劃. 之後我自己同公司請左三日假, 提早今日開始放我的產假啦.
今朝一早8:00我自己去左威爾斯搞入院手續.
入到去就駁機聽bb 心跳, 又叫我bb 一郁就自己襟掣~~
因為我無食野入院, 咁就可度左我拮手指空肚數字: 4.4
之後就食LUNCH, 個糖尿餐份量一D都唔少, 菜都成兩份, 橙又有兩個, 又派左兩包餅FOR 下午茶食~~
食完野拮手指: 6.1, 都無超標
之後醫生巡房, 我問佢我幾時走得, 佢又話再觀察下先, 根住又安排我去照超聲波, 不過佢自己係度照, 我係望唔到個MON既, 我問佢BB SIZE 正常嗎? 佢話度到有2.31KG, 出世可能同哥哥咁上下, OH, 又係細碼B~~
之後去到下晝四點幾, 醫生又同我講話唔夠床位, 又叫我出院, 完全係玩野, 之後老公放工就過來接我出院了~~
沒有留言:
張貼留言