19WK
體重: 55KG = 121LB
今日天氣非常潮濕呀, 又落大雨添, 每行一步都要小心弈弈呀, 今日約左兩點去健康院檢查, 老公今日請左假, 陪埋我去, 我地大概一點十到, 都要拎38號壽呀, 好多人已經座左o係大堂等緊了.
都係一般驗尿, 磅重量血壓就等見姑娘了, 大概三點三, 四見姑娘, 講返之前驗血報告一切正常啦, 之後就上床姑娘按下個肚同聽心跳, 仲俾姑娘話我個肚大, 仲問我之前係咪未有之都有個肚腩
, 不過佢話第二胎可能係會大D, 聽心跳時我就覺得奇怪, 點解聽咁耐既, 又望住隻錶計時, 之後姑娘話BB心跳有D快, 要見下醫生, 即刻有D擔心!等左幾個字, 醫生嗌名, 老公都一齊入埋去見醫生, 醫生就叫我瞓上床聽心跳, 醫生話一分鐘162下, 呢個週數都算正常既, 佢話到真係180下O個D就唔正常了, 佢話應該無咩問題既, 佢話有時大人做完運動心跳都會快D, 可能BB之前郁快左少少, 叫我唔洗擔心, 之後就叫我出去等影印就走得~~
等影印都等左幾個字呀, 最後大概四點三到走得~~
二寶你要乖乖呀, 不過我已經感受到你踢我了, 唔知係咪第二胎真係快D, 大概17週到我已經FEEL 到胎動~~
沒有留言:
張貼留言