照結構@威爾斯 PWH

今日約左四點去威爾斯照結構, 我同老公三點半就到, 諗住早D等, 點知原來我地係最後一個照囉, 由三點半等到六點先有得照呀, 成個產科D人走晒咁滯呀, 等得勁辛苦呀.

由姑娘照, 姑娘都會一路照一路解釋下而家照緊咩部位. 眼睛, 嘴唇, 尾龍骨, 心藏, 賢, 手指, 腳指等等. 姑娘話BB結構初步睇大致正常, SIZE 屬於中碼偏大喎, 係就好了, 因為佢哥哥O個時出世係細碼B, 39週出世都係得五磅半咋, 希望今次細佬出世中碼我都好滿足了.

另外因為上次去健康院檢查時姑娘話BB心跳有D快, 咁我地又問下姑娘CHECK 唔CHECK 到啦, 佢開左俾我地聽心跳, 今次都有一分鐘167下呀, 姑娘問我有無飲奶茶咖啡喎, 佢話可能都有少少關係, 叫我唔好飲喎,

同埋臨尾姑娘話我個胎盤有D低, 姑娘仲安排左個期俾我, 第三十四週返去照下超聲波睇下個胎盤有無升返喎, 姑娘話暫時無咩可以做, 係睇下佢自己會唔會慢慢升返架咋.